(ഒരു വെറും പാഴ്വാക്ക് )

വരുമായിരുന്നു ഞാൻ
തിരികെ വിളിച്ചെങ്കിൽ

ഒരു ചെറു പുഞ്ചിരി
ചൊടികളിൽ കരുതിയാ
പടിവാതിലോളം വന്നൊരു കയ്യുയർത്തി
,
''വരണം , വരാതിരിക്കല്ലേ '' എന്നുരിയാടിയെങ്കിൽ!

ഹൃദയം തകർന്നു ഞാൻ കട പുഴകി വീണപ്പോൾ
അരികിലിരുന്നെന്റെ കൈകൾ പിടിച്ചും ,

'സുഖമല്ലെ നിങ്ങൾക്ക്, തളരരുത് , ഞാനുണ്ട്
അരികിലെന്നൊരു വാക്ക്
(ഒരു വെറും പാഴ്വാക്ക് )കരളിൽ പകർന്നെങ്കിൽ !

അവസാനയാത്രക്ക് ദിവസം കുറിച്ചു പോയ്‌
ഇനി വയ്യ , നന്മകൾ നേരുന്നു ,
ഇല്ലില്ല , പരിഭവമൊട്ടും,
മനസ്സിന്റെയന്തരാളങ്ങളിൽ മുഴങ്ങുന്നതെപ്പോഴും
(നിൻ )പ്രണയഗീതത്തിന്റെ തുടിയുമീണങ്ങളും