മൂന്നു ഹൈക്കു കവിതകൾ

1- ആറടി തികച്ചുമുണ്ടായിരുന്ന കവിത
മൂന്നടിയിൽ ഒതുക്കിക്കളഞ്ഞില്ലേ
കണ്ണിൽ ചോരയില്ലാത്ത ഹൈക്കു

2- നിലാവിനെ കൊന്നു കളഞ്ഞല്ലോ
പിറവിയ്ക്ക് മുൻപേ
മഴയും മഴക്കാറും, ഇപ്പോഴിതാ മഞ്ഞും

3- പ്രായത്തെ മറയ്ക്കാൻ കലക്കി വെച്ച കരിക്കൂട്ട്
കരിമഷിയെ തോൽപ്പിച്ചു പുറത്തു കാണുന്ന വെള്ളിനൂലുകൾ
മുഖക്കണ്ണാടിയിലും മനക്കണ്ണാടിയിലും തെളിയുന്നത് സത്യം !